អំពីក្រុមហ៊ុន

ប្រវត្តិរបស់យើង

កាលពី១០ឆ្នាំមុន នៅពេលដែលខ្ញុំកំពុងជិះកង់ហាត់ប្រាណនៅភ្នំពេញ នាព្រឹកថ្ងៃសុក្រដ៏ត្រជាក់ ពេលនោះខ្ញុំត្រូវការញុំាទឹក ហើយខ្ញុំក៏ស្វែងរកទឹកដែលមានគុណភាពល្អ។ ចុងក្រោយ ខ្ញុំក៏បានសម្រេចជ្រើសរើសយកទឹកដែលនាំចូលមកពីក្រៅប្រទេស។ ប៉ុន្តែទោះជាយ៉ាងណា ខ្ញុំនៅតែមានអារម្មណ៍មិនសុខក្នុងចិត្ត ខ្ញុំចេះតែគិតថា ចុះហេតុអ្វីប្រទេសកម្ពុជាយើងមិនអាចផលិតទឹកពិសាដោយខ្លួនឯង ដែលមានការទទួលស្គាល់ពីថ្នាក់អន្តរជាតិ?

ចាប់ពីពេលនោះមក ខ្ញុំក៏បានយកគំនិតមួយនេះមកធ្វើការសិក្សា រួចក៏បង្កើតនៅក្រុមការងារមួយ ដើម្បីចាប់ផ្តើមបេសកម្មមួយនេះ។ ជាសំណាងល្អ ខ្ញុំទទួលបានការជួយជ្រោមជ្រែងយ៉ាងពេញទំហឹងពីក្រុមការងារ ដែលពួកគាត់ពោរពេញទៅដោយការតាំងចិត្ត និងមានសមត្ថភាពខ្ពស់ ជាពិសេសពួកគាត់មានភាពជឿជាក់មកលើរូបខ្ញុំ និងទស្សនវិស័យរបស់យើង។

អានបន្ថែម...

យើងទាំងអស់គ្នាមានមោទភាពទៅលើភាពជោគជ័យកន្លងមករបស់យើង។ វីតាល់បានបង្កើតនូវស្តង់ដារមួយដែលមានការទទួលស្គាល់ពីសហគមន៍ជាតិ និងអន្តរជាតិ។ រហូតមកដល់សព្វថ្ងៃនេះ វីតាល់នៅតែជាផលិតផលនាំមុខគេនៅលើទីផ្សារ ដែលផ្តល់ជូនទឹកពិសាដល់ប្រជាជនរាប់លាននាក់ជារៀងរាល់ថ្ងៃ។

ខ្ញុំពិតជាមានសេចក្តីរីករាយយ៉ាងខ្លាំង ដែលអាចផ្តល់ជូនអ្នករាល់គ្នាជាមួយផលិតផលទឹកពិសាដែលខ្ញុំមានភាពជឿជាក់។ សូមអរគុណសម្រាប់ការជ្រើសរើសវីតាល់។ ជាចុងក្រោយ ខ្ញុំសូមជូនពរអ្នកទាំងអស់គ្នា សូមទទួលជោគជ័យគ្រប់ភារកិច្ច។

លោកឧកញ៉ា ឡាវ វ៉ាន់
សហស្ថាបនិក
អិន វី ស៊ី ខបភើរេសិន ខូ អិលធីឌី

Read Less

ការប្តេជ្ញាចិត្តរបស់យើង

យើងខ្ញុំពិតជាមានកិត្តិយស និងសោមនស្សរីករាយ ក្នុងការបម្រើលោកអ្នកនូវទឹកពិសាដែលលោកអ្នកត្រូវការ។

ចាប់តាំងពីថ្ងៃដំបូងមក វីតាល់បានដឹងច្បាស់ពីតួរនាទីរបស់ខ្លួនក្នុងការចូលរួមជួយសង្គម។ ដោយជឿជាក់ទៅលើទស្សនៈមួយនេះ វីតាល់បានផ្តូចផ្តើមនៅកម្មវិធីសប្បុរសធម៌ “មូលនិធិ២៥៛” ។ រាល់ការពិសាទឹកវីតាល់១ដបរបស់លោកអ្នក គឺមានន័យថា លោកអ្នកបានបរិច្ចាគប្រាក់ចំនួន២៥៛ ជូនមូលនិធិនេះ។

លោកជំទាវ ជឹង សុគន្ធាវី
នាយិកាប្រតិបត្តិ