រាជធានីភ្នំពេញ៖…
តំណមសំខាន់ៗដែលយើងមិនត្រូវធ្វើនៅថ្ងៃបុណ្យចូលឆ្នាំចិន
បុណ្យចូលឆ្នាំប្រពៃណីចិនបានខិតជិតមកដល់ហើយក្នុងពេលឆាប់ៗនេះ។ ប្រជាជនកម្ពុជាកាត់ខ្សែស្រឡាយចិនទាំងឡាយក៏កំពុងតែរៀបចំតុបតែងផ្ទះសម្បែងដើម្បីអបអរឆ្នាំថ្មីនេះដែរ។ ដូចនេះ តើមានទំនៀមទម្លាប់ប្រតិបត្តិ និងតំណមអ្វីខ្លះដែលយើងមិនត្រូវធ្វើនៅថ្ងៃចូលឆ្នាំចិន។
- ចៀសវាងការលេបថ្នាំគ្រប់ប្រភេទ៖ ជាជំនឿមួយសម្រាប់ជនជាតិចិន ការលេបថ្នាំថ្ងៃដំបូងនៃថ្ងៃចូលឆ្នាំចិន មានន័យថា មានអ្នកណាម្នាក់នឹងត្រូវឈឺថ្កាត់ពេញមួយឆ្នាំ។
- ហាមបោកខោអាវ៖ បងប្អូនប្រជាជនចិនមិនគួរបោកគក់សម្លៀកបំពាក់នៅថ្ងៃដំបូងនិងថ្ងៃ ទី២នៃថ្ងៃចូលឆ្នាំឡើយ ព្រោះថា ថ្ងៃទាំងពីរនេះត្រូវជាថ្ងៃដែលកំណើតរបស់ទេវតាទឹក (Shuishen) ជនជាតិចិនជឿថា អារក្សទឹកកើតនៅក្នុងថ្ងៃចូលឆ្នាំ ។ដូច្នេះការបោកគក់ខោអាវនៅថ្ងៃចូលឆ្នាំ គឺប្រៀបដូចជាការប្រមាថមើលងាយដល់ព្រះអង្គ។
- ហាមសម្លាប់សត្វ៖ ឈាមត្រូវគេចាត់ជាប្រផ្នូលមិនល្អ ដែលនាំឧបទ្រពចង្រៃដល់អ្នក។
- ហាមកក់សក់៖ មិនត្រូវកក់សក់នៅថ្ងៃដំបូងឡើយ។ កក់សក់ដូចលាងជម្រះសំណាងនិងជោគជ័យសម្រាប់ឆ្នាំថ្មីដូច្នេះដែរ។
- ហាមបោសផ្ទះ៖ បើសិនអ្នកបោសផ្ទះនៅថ្ងៃដំបូងនៃថ្ងៃចូលឆ្នាំ វាដូចជាអ្នកបោសទ្រព្យសម្បតិ្ត និងលាបសំណាងចេញពីផ្ទះដូចគ្នា។
- ហាមវត្ថុមុតស្រួច៖ គួរចៀសវាងការប្រើប្រាស់កាំបិតឬកន្ត្រៃយ៍ ព្រោះបើមានគ្រោះថ្នាក់កើតឡើងវាត្រូវគេចាត់ទុកថាជាគ្រោះចង្រៃនិងធ្វើឲ្យខាតបង់ទ្រព្យធន។
- ហាមក្មេងយំ៖ គេមានជំនឿថា ក្មេងយំ អាចនាំយកសំណាងអាក្រក់សម្រាប់គ្រួសារ។ ដូច្នេះឪពុកម្តាយត្រូវធ្វើយ៉ាងណាកុំឲ្យក្មេងមិនសប្បាយចិត្តនិងយំនៅថ្ងៃចូលឆ្នាំ។
- ហាមស្លៀកពាក់ខោអាវរហែក៖ ស្លៀកពាក់ខោអាវដែលរហែករិចរិលនាថ្ងៃចូលឆ្នាំ ធ្វើឲ្យអ្នកជួបតែសំណាងអាក្រក់។
ប្រភពអត្ថបទ៖
https://thmeythmey.com/m/?page=detail&id=36146
https://vayofm.com/news/detail/107470-510667355.html
https://www.poraman.com/content/social/1253
https://www.chinahighlights.com/travelguide/festivals/chinese-new-year-taboos.htm
Related Article
