មូលនិធិ២៥៛

មូលនិធិ២៥៛ បានបង្កើតចាប់តាំងតែពីថ្ងៃក្រុមហ៊ុន អិន.វី.ស៊ី ខបភើរេសិន ចាប់បើកសម្ភោធនៅឆ្នាំ ២០១០។ រាល់ការពិសាទឹកវីតាល់១ដបរបស់លោកអ្នក គឺមានន័យថា លោកអ្នកបានបរិច្ចាគប្រាក់ចំនួន២៥៛ ជូនមូលនិធិនេះ។ ថវិការទាំងអស់នោះ ត្រូវបានប្រើប្រាស់សម្រាប់សកម្មភាពសប្បុរសធម៌។

មូលនិធិ២៥៛ របស់យើងផ្តោតលើ ៤ ចំនុចសំខាន់ៗគឺ ការអប់រំ បរិស្ថាន សុខភាពនិងកីឡា ព្រមទាំងវប្បធម៌និងសង្គម។

ក្នុងភាពជាដៃគូរជាមួយក្រសួងអប់រំ យុវជន និងកីឡា វីតាល់បានផ្តួចផ្តើមគម្រោង “ប្រកួតប្រជែងរបស់វីតាល់” ដើម្បើលើកកម្ពស់ការអភិវឌ្ឍសង្គមកម្ពុជា។ កម្មវិធីនេះ ផ្តល់ប្រាក់ឧបត្ថម្ភដល់សិស្សនិស្សិត ដើម្បីអនុវត្តគម្រោងដែលទទួលជ័យលាភីរបស់ខ្លួន។ ក្នុងឆ្នាំ២០១៧ បេក្ខជនចំនួនជាង ៣០នាក់ ត្រូវបានជ្រើសរើសសម្រាប់ការចូលរូមប្រកួត។

ជាលទ្ធផល គម្រោងដាំដើមឆ្នោត របស់ក្រុមសិស្សមកពីខេត្តសៀមរាប បានឈ្នះការប្រកួត និងបានដាំដើមឆ្នោតចំនួន ៣០០០ ដើមនៅក្នុងសហគមន៍របស់ខ្លួន។

យើងលើកទឹកចិត្តប្រជាពលរដ្ឋទាំងអស់ ជាពិសេសយុវជនក្នុងការចូលរួមបរិច្ចាកសៀវភៅដែលពួកគាត់ឈប់ប្រើ និងសម្ភារៈសិក្សាទៅឲ្យកុមារ និងសិស្សានុសិស្សនៅតាមជនបទ តាមរយៈគម្រោងវីតាល់់ “សៀវភៅចាស់របស់លោកអ្នក គឹជាសៀវភៅថ្មីរបស់ខ្ញុំ” ។ ជាលទ្ធផល គម្រោងនេះទទួលបានសៀវភៅចំនួនជាង ៥០០០ក្បាល និងសម្ភារៈសិក្សាមួយចំនួនធំ ដែលត្រូវបានផ្តល់ជូនទៅតាមសាលារៀនជាច្រើននៅតាមទីជនបទ។

ដើម្បីអបអរសាទរជំហានថ្មីមួយទៀតនៃភាពជោគជ័យរបស់និស្សិតបញ្ចប់ការសិក្សា វីតាល់បានចែករំលែកក្តីស្រលាញ់ និងអនុស្សាវរីយ៍ដែលមិនអាចបំភ្លេចបានជាមួយពួកគាត់។ វីតាល់ចូលរួមជាមួយពួកគាត់នៅក្នុងពិធីបញ្ចប់ការសិក្សា និងផ្តល់ជូនទឹកពិសាវីតាល់ជាមួយការរចនា និងតុបតែងជាពិសេស ទៅលើកំរបដបទឹក ដើម្បីទុកជាវត្ថុអនុស្សាវរីយ៍។

នៅក្នុងឆ្នាំ២០១៩ វីតាល់ផ្តល់ស្នាមញញឹមដល់សិស្សនិស្សិតរាប់ពាន់នាក់ នៅក្នុងពិធីបញ្ចប់ការសិក្សានៅសកលវិទ្យាល័យភូមិន្ទភ្នំពេញ និងសកលវិទ្យាល័យជាតិគ្រប់គ្រង។

អំពូលសូឡាត្រូវបានផ្តល់ជូនសិស្សានុសិស្សតាមជនបទដាច់ស្រយ៉ាល ដែលមិនមានអគ្គិសនីប្រើប្រាស់គ្រប់គ្រាន់។ អំពូលសូឡាមានអត្ថប្រយោជន៍ពីព្រោះវាអាចសាកថ្មដោយខ្លួនឯងបាន ដោយប្រើពន្លឺព្រះអាទិត្យ។ គម្រោងមួយនេះមានបំណងជួយដល់ប្អូនៗសិស្សានុសិស្ស អោយពួកគេអាចមានពន្លឺគ្រប់គ្រាន់ក្នុងការសិក្សាបន្ថែមនៅពេលយប់។កន្លងមក វីតាល់បានផ្តល់អំពូលសូឡាចំនួនជាង១០០អំពូលដល់អនុវិទ្យាល័យមួយនៅខេត្តមណ្ឌលគិរី។

វីតាល់ប្តេជ្ញាចិត្តក្នុងការកាត់បន្ថយការប្រើប្រាស់ និងការជំរុញការប្រើប្រាស់ឡើងវិញនូវដបប្លាស្ទិច។ ក្នុងឆ្នាំ២០១៥ វីតាល់បានសម្ភោធយុទ្ធនាការ វីតាល់នាំមកនូវបរិស្ថានកាន់តែល្អប្រសើរ ដោយបានបញ្ឈប់ការប្រើប្រាស់ការរុំប្លាស្ទិចលើគម្របដប។ ដោយឃើញភាពជោគជ័យរបស់វីតាល់ និន្នាការនេះត្រូវបានអនុវត្តបន្តគ្នាទូទាំងប្រទេសដោយក្រុមហ៊ុនផ្សេងៗទៀត។

ក្នងឆ្នាំ២០១៦ វីតាល់បានបរិច្ចាកសម្បកដបទឹកវីតាល់ដែលប្រើប្រាស់រូច សម្រាប់សាងសង់អាគារសិក្សាមួយខ្នងនៅខេត្តកំពង់ស្ពឺ។ វីតាល់ក៏បានចូលរួមឧបត្ថម្ភដល់គម្រោងច្នៃដបវីតាល់ដែលប្រើប្រាស់រួចធ្វើជាធុងសម្រាម និងទូកសម្រាប់អេកូទេសចរណ៍។

តាមរយៈគម្រោងប្រកួតប្រជែងរបស់វីតាល់ ក្រុមយុវជនបានផ្តួចផ្តើមដាំដើមត្នោត ដោយទទួលបានកញ្ចប់ថវិការក្នុងការរៀបចំំសកម្មភាពរបស់ខ្លួន។ ដើមត្នោតគឺជាអត្ថសញ្ញាណជាតិខ្មែរ ព្រមទាំងផ្តល់ផលប្រយោជន៍ជាច្រើនដល់ការរស់នៅប្រចាំថ្ងៃរបស់ប្រជាពលរដ្ឋកម្ពុជា។ វីតាល់បានចូលរួមលើកតម្កើងមោទនភាពជាតិ ដោយបានជួយឧបត្ថម្ភក្រុមយុវជនក្នុងការដាំកូនត្នោតចំនួន៣០០០ដើម នៅខេត្តសៀមរាប។

ចាប់តាំងពីឆ្នាំ២០១៦ វីតាល់បានធ្វើជាម្ចាស់ឧបត្ថម្ភធំប្រចាំឆ្នាំសម្រាប់កម្មវីធីជិះកង់ដើម្បីមន្ទីពេទ្យគន្ធបុប្ផា ដែល រៀបចំដោយ ក្លឹបអ្នកជិះកង់ដើម្បីសហគមន៍។ កម្មវិធីនេះ បានប្រមូលផ្តុំនូវអ្នកចូលចិត្តជិះកង់ទូរទាំងប្រទេស ឲ្យចូលរួមជិះកង់សប្បុរសធម៌ ដើម្បីរៃអង្គាសថវិការសម្រាប់មន្ទីពេទ្យគន្ធបុប្ផាខេត្តសៀមរាប។

ចាប់តាំងពីឆ្នាំពី២០១០ តាមរយៈមូលនិធិ២៥៛ វីតាល់បានចាប់ដៃគូរជាមួយមជ្ឈមណ្ឌលជាតិផ្តល់ឈាម ដើម្បីគាំទ្រដល់កម្មវិធីបរិច្ចាគឈាម និងជម្រុញការបង្កើនស្តុកឈាមនៅធនាគារឈាមកម្ពុជា។ វីតាល់ឧបត្ថម្ភគាំទ្ររាល់កម្មវិធីបរិច្ចាគឈាមប្រចាំឆ្នាំ «ផ្តល់ឈាមផ្តល់ក្តីស្រឡាញ់» និង«ទិវាអ្នកផ្តល់ឈាមពិភពលោក»។

បន្ថែមពីនេះ វីតាល់តែងតែគាំទ្រដល់សកម្មភាពប្រមូលឈាមចល័តរបស់ជម្ឈមណ្ឌលជាតិផ្តល់ឈាមនៅតាមសាកលវិទ្យាល័យ និងស្ថាប័នរដ្ឋ និងឯកជននានានៅក្នុងប្រទេសកម្ពុជា។

អ្នកជាវីរបុរស ជាកម្មវិធីសង្គមមួយរបស់វីតាល់ ដែលលើកទឹកចិត្តដល់សាធារណជន ក្នុងការចូលរួមការគាំទ្រសង្គមតាមរយៈការទិញទឹកពិសាវីតាល់ពីម៉ាស៊ីនលក់ទំនិញស្វ័យប្រវត្តិ។ ១០០% នៃថវិកាដែលទទួលបាន ត្រូវបានបរិច្ចាកជូនមន្ទីពេទ្យកុមារអង្គរខេត្តសៀមរាប។ គម្រោងអ្នកជាវីរបុរសនេះ បានសហការជាមួយក្រុមហ៊ុនម៉ាស៊ីនលក់ទឹកស្វ័យប្រវត្តិ។ ជាលទ្ចផល គម្រោងនេះ ទទួលបានថរិការប្រមាណជាង៤ពាន់ដុល្លារ សម្រាប់ឧបត្ថម្ភដល់មន្ទីពេទ្យកុមារអង្គរ ពីការលក់ក្នុងរយៈពេល២ខែ ចាប់ពីខែមីនា ដល់ខែឧសភា ឆ្នាំ២០១៩។

75252861_2449626598588180_5140195483800567808_o

ពិធីស្រង់ព្រះ គឺជាពិធីតាមបែបព្រះពុទ្ធសាសនា ដែលប្រជាជនខ្មែរប្រារព្ធជារៀងរាល់ឆ្នាំក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ ក្នុងពិធីស្រង់ព្រះនេះ ពុទ្ធសាសនិកជន ធ្វើការស្រង់ទឹកលើពុទ្ធបដិមា ដើម្បីបន់ស្រន់សុំសេចក្តីសុខ។ ដូចគ្នានេះដែរ ពិធីស្រង់ព្រះនេះ ត្រូវបានធ្វើជាមួយឪពុកម្តាយ និងមនុស្សចាស់ ដើម្បីជាការគោរព និងបួងសួងឲ្យពួកគាត់ មានសេចក្តី និងអាយុវែង។

រៀងរាល់រដូវបុណ្យចូលឆ្នាំខ្មែរ វីតាល់បានរៀបចំពិធីស្រង់ព្រះទ្រង់ទ្រាយធំ សម្រាប់មនុស្សចាស់នៅតាមទីជនបទដាច់ស្រយាល។ ក្រៅពីការងូតទឹកជួនពួកគាត់ វីតាល់ក៏តែងតែផ្តល់ជូននូវសម្លៀកបំពាក់ថ្មី ថវិការ កញ្ចប់ស្បៀងអាហារ និងរៀបចំជូននៅអាហារថ្ងៃត្រង់មួយពេលដ៏ឈ្ងុយឆ្ងាញ់។ ចាប់តាំងពីឆ្នាំ២០១៦ វីតាល់បានរៀបចំកម្មវិធីនេះ ក្នុងខេត្តព្រៃវែង កណ្តាល និងត្បូងឃ្មុំ ដែលមានលោកតាលោកយាយចូលរួមស្រង់ព្រះសរុប១០០០នាក់។

កម្មវិធី “វីតាល់ផ្តល់ភាពកក់ក្តៅ” ធ្វើឡើងនៅរៀងរាល់ឆ្នាំដើម្បីផ្តល់ភាពកក់ក្តៅទៅដល់ចាស់ជរាគ្មានទីពឹង នៅក្នុងទីក្រុងភ្នំពេញ នៅរដូវដែលអាកាសធាតុត្រជាក់។ ជារៀងរាល់ឆ្នាំ មុងភួយ ស្បៀង ថ្នាំសង្កូវ ត្រូវបានផ្តល់ជូនពួកគាត់។ កម្មវិធីនេះ សហការ រៀបចំជាមួយក្រុមយុវជនស្ម័គ្រចិត្តក្នុងការផ្តល់ជូននូវអាហារថ្ងៃត្រង់ដ៏ឈ្ងុយឆ្ងាញ់។

កម្មវិធី «វីតាល់ផ្តល់ភាពកក់ក្តៅ» ចែកភួយ ស្បៀង និងថ្នាំសង្កូវដល់ជនចាស់ជរា រស់នៅតាមសំយាបផ្ទះគេ នៅភ្នំពេញ ជាង២០០នាក់ បានបញ្ចប់ដោយសា្នមញញឹម និងក្តីស្រឡាញ់។ លោកតា លោកយាយភាគច្រើនអាយុចាប់ពី ៦០ឆ្នាំឡើងទៅ គាត់ខិតខំប្រឹងប្រែងប្រកបរបរតិចតួច ដូចជា សំលៀងកាំបិត លក់អំបោស ជញ្ជីងថ្លឹងគីឡូ ។ល។ ដើម្បីចិញ្ចឹមជីវិត។

ពួកគាត់អាចរកប្រាក់បានត្រឹមប្រមាណជាង១ម៉ឺនរៀលប៉ុណ្ណោះក្នុងមួយថ្ងៃដែលធ្វើឲ្យលោកតា លោកយាយគ្មានលទ្ធភាពក្នុងការជួលផ្ទះនៅភ្នំពេញ។ នៅពេលដែលទទួលបានភួយ និងស្បៀងពីវីតាល់ លោកតាលោកយាយខ្លះ ក៏រំភើបចិត្តដល់រលីងរលោងទឹកភ្នែក ដោយលោក សង្ឃឹមថា អំណោយទាំងនេះនឹងអាចជួយសម្រួលដល់ជីវភាព លោកតាលោកយាយក្នុងរដូវធ្លាក់ខ្យល់នេះ។ វីតាល់ក៏ឆ្លៀតឱកាស ក្នុងការថ្លែងអំណរគុណដល់ក្រុមយុវជនស្ម័គ្រចិត្តជាង៦០នាក់ ដែលបានចូលរួមជួយដល់ការចែកអំណោយ និងសម្រួលដល់កម្មវិធីទាំងមូលបានយ៉ាងល្អប្រសើរ។

វីតាល់បាននាំយកចម្ហាន់ និងបច្ច័យមួយចំនួន ទៅប្រគេនជូនព្រះសង្ឈ ដែលគង់នៅវត្តសិរីឧត្តម ក្នុងខេត្តព្រៃវែង កាលពីថ្ងៃទី២៨ ខែមេសា ឆ្នាំ២០២០ ខណៈចំនួនពុទ្ធបរិស័ទ ដែលតែងមកយកចង្ហាន់មកវត្ត បានធ្លាក់ចុះយ៉ាងខ្លាំង ពេលមានការរីករាលដាលវីរុសកូវីដ-១៩។ ចង្ហាន់ ដែលវីតាល់បានប្រគេនរួមមាន ទឹកពិសាវីតាល់ អង្ករ មីជាតិ ទឹកស៊ីអ៊ីវ ទឹកត្រី តែ ស្ករ អំបិល ទៀន ធូប ថ្នាំសង្កូវ និងបច្ច័យចំនួន ២លានរៀល។

Vital delivering the food & supplies to a remote pagoda

ក្រុមហ៊ុនមីជាតិ និងវីតាល់ បានដឹកនាំបុគ្គលិក រៀបចំកម្មវិធីថ្លែងអំណរគុណដល់ក្រុមគ្រូពេទ្យជួរមុខ ដោយផ្ទាល់ នៅមន្ទីរពេទ្យមិត្តភាពខ្មែរ-សូវៀត កាលពីថ្ងៃទី១៩ ខែឧសភា ឆ្នាំ២០២០ បន្ទាប់ពីកម្ពុជាបានព្យាបាលអ្នកជំងឺទាំង១២២នាក់ ឲ្យជាសះស្បើយ ហើយមិនមានករណីស្លាប់។

ដើម្បីថ្លែងអំណរគុណដល់លោកគ្រូអ្នកគ្រូពេទ្យ ក្រុមហ៊ុនមីជាតិ និងវីតាល់ បានពាំនាំយកនូវសម្ភារៈមួយចំនួនដូចជា៖ ផ្ទាំងគំនូរថ្លែងអំណរគុណដល់ក្រុមគ្រូពេទ្យជួរមុខ ដោយមានស្នាមមេដៃបុគ្គលិករបស់ក្រុមហ៊ុន ដើម្បីបញ្ជាក់ពីការថ្លែងអំណរគុណ បណ្ណបរិភោគអាហារជុំគ្នាសម្រាប់ក្រុមគ្រូពេទ្យជួរមុខនៅក្នុងភោជនីយដ្ឋានវ័នម៉រ បាច់ផ្កា ទឹកពិសាវីតាល់ និងមីជាតិមួយចំនួន ដើម្បីប្រើប្រាស់ក្នុងមន្ទីរពេទ្រផងដែរ។

គួរបញ្ជាក់ផងដែរថា ក្រៅពីរៀបចំកម្មវីធីថ្លែងអំណរគុណនេះក្នុងមន្ទីពេទ្យដោយផ្ទាល់ វីតាល់ និងមីជាតិ ក៏បានផលិតវីដេអូ “អរគុណគ្រូពេទ្យ” ថ្លែងអំណរគុណដល់ក្រុមគ្រូពេទ្យជូរមុខ និងក្រសួងសុខាភិបាល ដែលបានចាត់វិធានការទប់ស្កាត់ការរីករាលដាលនៃវីរុសកូវីដ-១៩ ទាន់ពេលវេលា និងបានបង្ហោះវីដេអូនោះជាសាធារណៈ នៅថ្ងៃ ដែលអ្នកជំងឺកូវីដ-១៩ ចុងក្រោយបាន ជាសះស្បើយផងដែរ។

80809855_2510928079124698_4134111059843743744_o

ពិធីស្រង់ព្រះ គឺជាពិធីតាមបែបព្រះពុទ្ធសាសនា ដែលប្រជាជនខ្មែរប្រារព្ធជារៀងរាល់ឆ្នាំក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

ក្នុងពិធីស្រង់ព្រះនេះ ពុទ្ធសាសនិកជន ធ្វើការស្រង់ទឹកលើពុទ្ធបដិមា ដើម្បីបន់ស្រន់សុំសេចក្តីសុខ។ ដូចគ្នានេះដែរ ពិធីស្រង់ព្រះនេះ ត្រូវបានធ្វើជាមួយឪពុកម្តាយ និងមនុស្សចាស់ ដើម្បីជាការគោរព និងបួងសួងឲ្យពួកគាត់ មានសេចក្តី និងអាយុវែង។

ចាប់តាំងពីឆ្នាំ២០១៦ វីតាល់បានរៀបចំកម្មវិធីនេះ ក្នុងខេត្តព្រៃវែង កណ្តាល និងត្បូងឃ្មុំ ដែលមានលោកតាលោកយាយចូលរួមស្រង់ព្រះសរុប១០០០នាក់។